Lue

Fann eit garn på garnbutikken eg berre måtte prøve, multifarga Viking Alpaca Sport, og det vart til ei lue til treåringen min. Strikka etter oppskrift frå Drops. I oppskrifta er det ein "hale" på lua, men den droppa eg. Den sit veldig godt på, men gutungen var ikkje særleg interessert i å ha den på, iallefall ikkje inne.

Ikkje særleg interessert i å stilla opp på bilete heller.

Julegåver til to små søstre

To søstre fekk kvar si monsterbukse til jul :)

Strikka i Smart 100% superwash ull, størrelse 6-12 mnd og 2 år.

Fuglemammas omslagsbody

Endeleg har eg fått ferdig omslagsbodyen til vetleguten, det har tatt si tid. Har til og med montert og sydd i knappar sjølv, det er vel ikkje alltid eg gjer det... Den er strikka i ullsilkegarnet frå Nøstebarn, og er fantastisk mjuk og god!

Babysett

For å få brukt opp noko garn som berre låg og tok opp plass har eg strikka eit babysett frå boka Myk Start. Fekk nok til eit par sokkar og, men desverre ikkje hue.

Strikka i Chiri Alpakka i str. 0-3 mnd.

Ei korg full i UFO'ar

Eg har ei korg som eg (tydelegvis...) berre har stappa uferdige ting i når eg har gått lei. For ei stund sidan rydda eg i denne korga, og det viste seg at dei aller fleste tinga kun trengte litt montering og snorer. Noko av det kunne eg faktisk ikkje hugse at eg hadde laga ein gong...

Resultatet:

Diverse huer og sokkar til småfolk :) Til og med ein hekla gryteklut!

Nøgd blånissegut

Blånissehua og vottane har vore klare ei stund, og eigaren vart veldig glad

Blåfjell

I år skal Blåfjell gå på barne-TV før jul, og guten min er nok stor nok no til å følge med litt. Derfor fekk eg veldig lyst å strikke hue og vottar til han. Ikkje ferdig enno, men det går fort med dobbelt garn og pinne nr. 6!

Til vetleguten

Det er ikkje mykje eg har fått strikka til vetleguten i magen enno, men eg har litt planar.

Dressen på side 16 (9 av 13) her. Tenkte først å strikke den i str. 9 mnd, men så er det jo veldig fint med heildress til liten baby, så eg strikkar den nok i str. 0-3 mnd med litt lengre rygg. Strikkast i Lerke frå Dalegarn, som er 50/50 ull og bomull.

Mor Signe-teppe frå Nøstebarn er vel obligatorisk, og garn er kjøpt inn. Det blir strikka på skrå med litt breie striper, det er iallefall planen.

Jeansblå og lys blå i 2-tråds merinoull frå Nøstebarn.

Ein omslagsbody (Fuglemammas omslagsbody) er nesten ferdig, men manglar armar, montering og knappar. Bilete kjem når eg har fått den ferdig. Strikker den i silkeull frå Nøstebarn. Oppskrifta står i boka Myk Start.

Noko smått er ferdig, ei hjelmhue og eit par sokkar. Strikka i babyull frå Rauma.

To bukser til 3-åringen min

To bukser har det blitt til 3-åringen min i løpet av sommaren og hausten. Begge er ca. str. 3-4 år. Mykje å gå på i lengden, men han kan fint bruka dei no.

Strikka i garnet frå dette innlegget. Det vart nok til ei hue og, og garnet fekk ein heilt annan effekt på den enn på buksa. Syns det var litt artig.

Monsterbukse! Ufattelig populært hjå 3-åringen. Strikka i Sandnes Smart, 100% superwash ull. Oppskrift fant eg her. Enkel og rask å strikke.

Nøstebarn-kjole

Kjole og sokkar til ei lita jente på Sotra. Dette var del av dåpspresang. 2-tråds merinoull og oppskrift frå Nøstebarn.

Små huer

Eg har blitt veldig glad i oppskrifta på hjelmlue i glattstrikk som står i boka Myk Start. Raske å strikke, og det går ikkje så mykje garn. Har fått brukt litt av garnet i dette innlegget.

Ei hue i str. 0-3 mnd  og ei i str. 4-8 mnd. Babyull frå Spar Kjøp.

Str. 9-12 mnd. i babyull frå Knappehuset. Denne er hjå ei lita jente på Sotra :)

Samme garn som forrige, str. 0-3 mnd. Denne vart litt liten i størrelsen, så eg trur faktisk ikkje den kjem til å passe min eigen gut når han kjem, iallefall ikkje om han liknar broren sin.

Long time!

Lenge siden sist innlegg her ser eg... Og det er ikkje fordi eg ikkje har strikka, for det har eg. Det meste er teke bilete av, og det skal eg legge ut, bortsett frå det som skal gis vekk til jul, det kjem etter julafta.

I februar kjem det ein liten kar til i huset, og eg er såvidt i gang med litt strikking til han. Har hatt ein del prosjekt liggande som eg har tvinga meg sjølv til å bli ferdig med før eg startar på noko nytt, men eg ser enden på det no :)

Garn!!

Har masse fint garn liggande i kø som venter på å bli fine plagg! Her er ein del av det:

Søte 25-gramsnøster med babyull, kjøpt på Knappehuset i Bergen.

Ved siden av eit vanleg 50-gramsnøste.

Det med blått og brunt i er snart ei ferdig hjelmlue i glattstrikk.



Dashing Dachs tynt superwashgarn. Mjukt og deilig!

Mosaic Moon 100% BFL wool, farge Alice.

Laines Magnifiques 100% superwash merino. Skal bli bukse til snart-3-åringen.



Fint syn :D







Til ein liten baby...

... som kan bli født når som helst har eg strikka hentesett og bleiebukser:

Sandnes oppskrift og Nøstebarn sitt silkeull-garn.

Lue etter ønske frå dei kommande foreldra. Samme garn, Drops oppskrift.

Bleiebukser strikka i Mitu frå pt (50/50 ull/alpakka) og Sandnes alpakka.

Påskeeggene er ferdige!!

Dei siste vekene har eg putla på litt med påskeegg designa av Arne & Carlos. Raske å strikke, men eg vart litt lei på slutten. Etter at eg hadde fylt dei med ull var det ikkje alle som såg ut som egg, men pytt pytt.

(Kremt...)

Og til slutt ei påskekule:

Strikka med Lerke frå Dalegarn, ca 50/50 ull og bomull.

Nøstebarnteppe til ein liten junibaby

Gleder meg til å gi dette i presang til ein liten som kjem i juni :) Det ser kanskje ikkje heilt beint ut, har ikke vaska det enno. Drar det i fasong når det er vått.

Kjempedeilige tepper dette, guten min på 2 1/2 år bruker fortsatt sitt litt, og eg sjølv bruker det over skuldrene om kvelden.

Strikka med oppskrift frå Nøstebarn med 2-tråds merinoull.

UFO'en er ferdig!

For akkurat eit år sidan kjøpte eg garn til ein jakke eg ville strikke til guten min. Han var då 1 1/2 år, og eg tenkte str. 2 år måtte vera greit å strikke. Jakken vart påbegynt, men etter at ermene og litt av bolen var strikka vart den lagt i ein pose og gløymt. Trur eg gjekk litt lei av tynn babyull og pinne nr. 2,5. No i vinter fann eg ut at eg må jo gjere den ferdig, og i går kom den heim etter å ha vore til montering hjå mor mi (er ikkje så god på montering, eller liker det iallefall ikkje...). Og det viser seg at str. 2 år nok tilsvarer str. 3 år, for jakken var ganske stor, heldigvis. Den blir nok brukt til høsten tenker eg.

Strikka i Dale babyull. Dalegarn oppskrift, frå eit hefte som nok er frå begynnelsen av 2000-talet.

Nøstebarnvest

I går gjorde eg siste finish på Nøstebarnvesten eg har strikka, og eg syns resultatet vart veldig bra! Han som fekk den var i alle fall veldig fornøyd. Eg hadde kjøpt lastebilknappar, og det syns han var veldig tøft!

Lastebilknappar vart teke godt imot!

Ein som er veldig fornøyd!

Vesten er strikka i 2-tråds merinoullgarn frå Nøstebarn. Farge jeansblå. Fargen kjem ikkje rett fram på dei to øverste bileta, men på det nederste viser den ganske rett. Kjenner at dette fort kan bli ein favoritt, dumt at eg ikkje "oppdaga" den tidlegare.